كونسوڵخانەی ئەمریكا لە هەولێر: ترەمپ ڕۆژهەڵاتی ناوەڕاست دەباتە سەردەمێكی سەقامگیر و خۆشگوزەران

ئاڤا نیوز

كونسوڵخانەی گشتیی ئەمریكا لە هەولێر ڕایدەگەیێنێت، ئەمریكا بە سەركردایەتیی ترەمپ كار بۆ بردنی ڕۆژهەڵاتی ناوەڕاست بۆ سەردەمێكی سەقامگیر و خۆشگوزەران دەكات.

چیرۆكی سەرەكی: رۆژی چوارشەممە بە بەشداری بەرپرسانی باڵای هەرێمی كوردستان و بەئامادەبوونی جێگری وەزیری دەرەوەی ئەمریكا، گەورەترین كونسوڵخانەی ئەمریکا لە جیهاندا لە شاری هەولێر كرایەوە، سەرۆک بارزانی كردنەوەی گەورەترین كونسوڵخانەی ئەمریكا لە ناوچەكە، بە ڕۆژێكی مێژوویی لە پەیوەندییەكانی نێوان ئەمریكا و هەرێمی كوردستان وەسف كرد.

بڵاوكراوەی فەرمی: كونسوڵخانەی گشتیی ئەمریكا لە هەولێر، لە هەژماری فەرمیی خۆیدا بڵاویكردووەتەوە، ئەمریکا بە سەرکردایەتیی سەرۆک ترەمپ لە کاردایە بۆ بردنی ڕۆژهەڵاتی ناوەڕاست بۆ سەردەمی سەقامگیری و خۆشگوزەرانی.

زانیاریی زیاتر: كونسوڵخانەی ئەمریكا لە هەولێر ئاماژەی بەوەشكردووە، وەبەرهێنانی ئەمریکا لە کونسوڵخانەیەکی نوێ، دەبێتە هۆی دابینکردنی سەکۆیەکی پارێزراو بۆ پێشخستنی بەرژەوەندییەکانی ئەمریکا لەلایەك و نیشاندانی ئەو بەهایەی کە عێراقێکی سەروەر و پارێزراو و گەشەسەندوو، دەبێتە هۆی خزمەتكردنی خەڵكی خۆی و ئەمریكا لەلایەكی دیكەوە.