بە سەرپەرشتی سەرۆک بارزانی مەکتەبی سیاسیی پارتی لە کۆبوونەوەدایە

ئاڤا نیوز

مەکتەبی سیاسی پارتی دیموکراتی کوردستان بەسەرپەرشتی سەرۆک بارزانی لە پیرمام لە کۆبوونەوەدایە و چەند پرسێک تاوتوێ دەکات.

لێدوانی فەرمی: سەرچاوەیەک لە مەکتەبی سیاسیی پارتی، بە ئاڤای گوت، "کۆبوونەوەی مەکتەبی سیاسیی پارتی بەسەرپەشتی سەرۆک بارزانی دەستیپێکردووە و تاوتوێی چەند پرسێکی هەنووکەیی لە نێویاندا پێکهێنانی هەردوو حکومەتی هەرێمی کوردستان و عێراق دەکرێت."

ئەو سەرچاوەیە ئاماژەی بەوەشدا، یەکێکی دیکە لە تەوەرەکانی کۆبوونەوەکە تاوتوێکردنی ئەنجامەکانی هەڵبژاردن و پەیوەندیی پارتی لەگەڵ لایەنە سیاسییەکانی هەرێمی کوردستانە.

ئەوەی پێویستە بیزانیت: لەچەند ڕۆژی ڕابردوو شاندێکی پارتی دیموکراتی کوردستان کە پێکهاتبوون لە هۆشیار زێباری، پشتیوان سادق، عەلی حوسێن سەردانی یەکگرتووی ئیسلامی و کۆمەڵی دادگەرییان لە هەولێر کرد، چوار ڕۆژ لەمەوبەریش لەگەڵ یەکێتی نیشتمانی کوردستان کۆبوونەوە، بابەتی سەرجەم كۆبوونەوە و سەردانەكانیش پێكهێنانی كابینەی 10ـی حكومەتی هەرێمی كوردستان بووە.