شاندی ئەنجوومەنی ئاسایش دەگاتە سووریا و چاودێری وێرانکارییەکان دەکات

ئاڤا نیوز

لەگەڵ یەکەمین ساڵیادی "ئازادکردنی سووریا"، نوێنەرانی وڵاتانی ئەندام لە ئەنجوومەنی ئاسایشی نەتەوە یەکگرتووەکان گەیشتنە دیمەشق، ئەمە یەکەم سەردانی لەم جۆرەیە.

چیرۆکی سەرەکی: بڕیارە ئەندامانی ئەنجوومەنی ئاسایش کۆبوونەوە لەگەڵ ژمارەیەک بەرپرسی سووری و نوێنەرانی کۆمەڵگەی مەدەنی و لیژنەی دەرخستنی ڕاستییەکان لە ڕووداوەکانی سوەیدا ئەنجام بدەن، هەروەها لەگەڵ نەجات ڕوشدی، جێگری نوێنەری تایبەتی نەتەوە یەکگرتووەکان بۆ سووریا کۆدەبنەوە.

پێدراوە ڕاستەکان: دوای گەیشتنیان، شاندەکە چاودێری قەبارەی وێرانکارییەکانی گەڕەکی جوبەریان کرد کە بەهۆی بۆردوومانی ڕژێمی پێشوو وێران بووە. هەروەها، بە یاوەری ئیبراهیم عەلەبی، نوێنەری هەمیشەیی سووریا لە نەتەوە یەکگرتووەکان، سەردانی ژمارەیەک شوێنەواری کۆنی دیمەشقیان کرد، لەوانە هۆتێل بەیتی والی و بازاڕی میدحەت پاشا و مزگەوتی ئەمەوی. دواتر شاندەکە لەلایەن ئەحمەد شەرع، سەرۆکی سووریا و ئەندامانی حکومەتی سووریا، لە کۆشکی گەل لە دیمەشق پێشوازیان لێکراو کۆبوونەوە.

ئەوەی پێویستە بیزانیت: بەڕێوەبەرایەتیی ڕاگەیاندنی وەزارەتی دەرەوەی سووریا ڕایگەیاند، سەردانی شاندی ئەنجوومەنی ئاسایش بۆ دووپاتکردنەوەی پشتگیریکردنی کۆمەڵگەی نێودەوڵەتییە بۆ سووریای نوێ و هاوکارییەکانیان لە قۆناغی ئاوەدانکردنەوەدا. ئەنجوومەنی ئاسایش 15 ئەندامی هەیە، کە پێنجیان هەمیشەیین و 10ـیان نا هەمیشەیین.