سەدر زەنگی مەترسی لێدەدات؛ خیانەتێکی گەورە لە ئارادایە

ئاڤا نیوز

بەڵگەنامەیەکی هەواڵگریی سەرایە سەلام دەگاتە دەست موقتەدا سەدر، کە باسی فرۆشتن و بە قاچاخبردنی چەک دەکات لە نەجەفەوە بۆ ناوچەکانی ئەنبار، سەدریش گومانی هەیە "دەست تێکەڵکردن" لە ئارادا بێت و داوای ڕێکاری بەپەلە دەکات.

چیرۆکی سەرەکی: بەگوێرەی بەڵگەنامەیەک کە میدیاکان ئەمڕۆ بڵاویانکردووەتەوە، نووسینگەی یاریدەدەری جیهادی لە هەواڵگریی سەرایە سەلام، زانیارییەکی هەواڵگریی خستووەتە بەردەم موقتەدا سەدر، ڕێبەری ڕەوتی نیشتمانیی شیعە. ناوەڕۆکی بەڵگەنامەکە ئاشکرای دەکات کە پرۆسەی فرۆشتن و بەقاچاخبردنی چەک لەنێو پارێزگای نەجەفەوە بۆ ناوچەکانی پارێزگای ئەنبار بوونی هەیە، بەتایبەت بۆ ئەو شوێنانەی کە بە ژینگەی چالاکیی ڕێکخراوە تیرۆریستییەکان دادەنرێن.

نووسراوی فەرمی: موقتەدا سەدر لە نووسراوێکدا کە بە دەستوخەتی خۆی فەرمانێکی ئاراستەی سەرایە سەلام کردووە و دەڵێت: "تکایە هەماهەنگی لەگەڵ لایەنە پەیوەندیدارەکان بکەن بۆ ئەنجامدانی ڕێکاری پێویست، ئەگەر هاوکارییان نەکردن ئاگادارمان بکەنەوە، چونکە بەداخەوە ڕەنگە بۆشایی و دەست تێکەڵکردن بوونی هەبێت".