چارەنووسی عێراق لە دووڕیانی بەرەی ئەمریکا و ئێران

ئاڤا نیوز

لە کاتێکدا محەممەد شیاع سوودانی هەوڵی مسۆگەرکردنی خولی دووەمی سەرۆكایەتیی حكومەت دەدات، ئاماژەکانی دۆناڵد ترەمپ بۆ بەغدا پرسیاری جددیان دروستکردووە. ترەمپ لە لێدوانێکدا ڕایگەیاند کە عێراق گۆڕاوە و پەیوەندییەکانی باشتر بووە، تەنانەت بانگەشەی ئەوەی کرد کە سوودانی بۆ خەڵاتی ئاشتی کاندیدی کردووە.

ئەوەی لەبارەیەوە دەگوترێت: ئەم پێشهاتانە هاوکاتن لەگەڵ جووڵە "دوو لایەنە"کانی بەغدا سەبارەت بە خستنی ناوی حیزبوڵڵا و حووسییەکان بۆ لیستی تیرۆر و پاشگەزبوونەوە لێی، کە وەک تاکتیکێک بۆ ڕازیکردنی واشنتن و بەکارهێنانی پشتیووانی دەرەکی لە ململانێ ناوخۆییەکاندا لێکدەدرێتەوە.

لێدوانی فەرمی: میسال ئالوسی، سیاسەتمەداری عێراقی لەم بارەیەوە دەڵێت: "لێدوانەکانی ترەمپ بەشێکن لە ستراتیژیی لێدانی هەژموونی ئێران، جووڵەکانی بەغداش لە پرسی لیستی تیرۆر، هەوڵێکە بۆ ڕازیکردنی واشنتن و زەمینەسازییە بۆ سەپاندنی خولی دووەمی سوودانی بەسەر نەیارەکانیدا"

گۆشەیەکی دیکەی دیمەنەکە: بەشێک لە چاودێران پێیان وایە لێدوانەکانی ترەمپ دەکرێت وەک چەکێکی دووسەر کار بکات؛ لەلایەک پاڵپشتییە بۆ سوودانی، لەلایەکی دیکەش نەیارەکانی لەناو پڕۆسەی پێکهێنانی حکومەتی نوێدا دژی بەکاریدەهێنن بۆ لێدان لە سەربەخۆیی بڕیارەکانی.

عائید هیلالی، شرۆڤەکاری سیاسی، لێدوانەکانی ترەمپ دەخاتە چوارچێوەی نەخشەی نوێی ئەمریکا و دەڵێت: "کات و ساتی لێدوانەکان ئاماژەیە بۆ خواستی ئەمریکا بۆ بونیادنانەوەی هاوبەشی، بەڵام نەیارەکانی سوودانی ئەمە دەقۆزنەوە بۆ لێدان لە سەربەخۆیی بڕیارەکانی، بەتایبەت لەم دۆخە ئاڵۆزەی پێکهێنانی حکومەتدا"

ئەمەش بزانە: لە کۆتاییدا، قۆناغی داهاتوو تاقیکردنەوەیەکی سەخت دەبێت بۆ حکومەتی عێراق؛ چونکە دەبێت هاوسەنگی لەنێوان خواستی ئەمریکا بۆ دوورخستنەوەی عێراق لە ئێران و فشارە تووندەکانی گرووپە.