لیستی مووچەی مانگی 11 ڕەوانەی وەزارەتی دارایی عێراق کرا

ئاڤا نیوز

تیمێک لە وەزارەتی دارایی و ئابووریی هەرێمی کوردستان گەیشتنە بەغدا و لیستی مووچەی مانگی 11ـیان گەیاندە وەزارەتی دارایی عێراق.

 

وێنە گەورەکە: وەزارەتی دارایی هەرێمی کوردستان، پابەندییەکانی خۆی بۆ دابینکردنی مووچە لەلایەن بە‌غداوە جێبەجێ دەکات، لەو چوارچێوەیە تەرازووی پێداچوونەوەی مانگی 10 ڕەوانە کردووە و  ئەمڕۆ لیستی مووچەی مانگی 11 ڕەوانە کرا و کار لەسەر ئامادەکردنی تەرازووی پێداچوونەوەی هەمان مانگ دەکرێت.

 

 ڕاگەیێنراوی فەرمی: وەزارەتی دارایی کوردستان ئەمڕۆ یەکشەممە  لیستی مووچەی مانگی 11 فەرمانبەران و مووچەخۆرانی هەرێمی کوردستان لەلایەن تیمی تەکنیکی وەزارەتی دارایی و ئابووری هەرێمی کوردستانەوە ڕادەستی فەرمانگەی ژمێریاری وەزارەتی دارایی حکومەتی فیدراڵ کرا.

 

ئەمەش بزانە: تەرازووی پێداچوونەوە مانگی 10 نێردراوە و بڕیارە لە چەند ڕۆژی داهاتووش، 120 ملیار دینار داهاتی نانەوتی ئەو مانگە بخرێتە سەر هەژماری وەزارەتی دارایی عێراق لە لقی هەولێری بانکی ناوەندی.