تۆم باراک: ترەمپ بڕیاریداوە هەلێک بە سەرۆکی سووریا بدات

ئاڤا نیوز

نێردراوی ئەمریکا بۆ سووریا، لە کۆڕبەندی دەوحە ڕایگەیاند، بارودۆخی سووریا بەرەو ئاڕاستەیەکی دروست هەنگاو دەنێت و  سەرۆک ترەمپیش بڕیاریداوە هەلێک بە ئەحمەد شەرع بدات.

چیرۆکی سەرەکی: کۆڕبەندی دەوحەی 2025 لەژێر دروشمی "چەسپاندنی دادپەروەری لە بەڵێنەکانەوە بۆ واقیعی بەرجەستە" بەڕێوەدەچێت، بۆ ماوەی دوو ڕۆژ بەردەوام دەبێت و بە سپۆنسەری شێخ محەممەد بن عەبدولڕەحمان ئال سانی، سەرۆکوەزیران و وەزیری دەرەوەی قەتەرە و شەش هەزار کەسایەتی لە 150 وڵاتەوە ئامادە دەبن.

لێدوانی فەرمی: تۆم باراک، نێردراوی ئەمریکا بۆ سووریا لە وتارێکدا کە لە کۆڕبەندی دەوحە ئەمڕۆ یەکشەممە پێشکەشی کرد، وتی: "وڵاتەکەم بەدوای ڕێگا چارەسەرەی کێشە هەنووکەییەکانی سووریا دەگەڕێت و سەرکردایەتیی نوێی سووریاش پێویستی بە سەقامگیرییە".  

تۆم باراک لە دیدارەکە ئەمانەشی وت:

٠ سەرۆکی ئەمریکا، بڕیارەکانی لەبارەی سووریاوە دوای "لێکۆڵینەوەیەکی قووڵ" دەرکردووە و بڕیاریداوە "هەلێک بە ئەحمەد شەرع بدات"

٠ ئەو دەستکەوتانەی کە لە سووریا بەدەستهاتوون ئازایانەیە، پێویستە هانی ئەو کەسانە بدرێت لە پشت ئەم دەستکەوتانەن و پشتگیرییان پێشکەش بکرێت.

٠ دەبێت گەلی سووریا مافی هەڵبژاردنی سیستەمی سیاسیی خۆیان پێ بدرێت.