لە یەکەم ڕۆژی جەژندا ئیسرائیل غەززە بۆردومان دەکات

ئاڤا  نیوز

 

هێرشەکانی ئیسرائیل بۆ سەر غەززە بەردەوامن، لە یەکەم ڕۆژی جەژنی ڕەمەزانیشدا ڕانەگیراون. 

وێنە گەورەکە: لە کاتێکدا فەڵەستینییەکان لە ناو داروپەردووی وێرانەکانی غەززە بۆ ئەنجامدانی نوێژی جەژنی ڕەمەزان کۆبووبوونەوە، سوپای ئیسرائیل درێژەی بە بۆردومانکردنەکانی دا و جارێکی دیکە غەززەی بۆردومان کردەوە.

لەلایەکی دیکەوە: جۆ بایدن، سەرۆکی ئەمریکا، شێوازی ئۆپەراسیۆنەکانی ئیسرائیلی لە غەززە بە "هەڵە" ناوبردووە. هاوکات، پێدرۆ سانچێز، سەرۆکوەزیرانی ئیسپانیا ڕایەگیاندووە کە کاردانەوەکانی ئیسرائیل "ناهاوسەنگ"ـن. 

باکگراوند: ژمارەی قوربانیانی کەرتیی غەززە 33 هەزار کەسی تێپەڕاندووە و سەرهەڵدانی قەیرانی مرۆیی لە کەرتەکە ناڕەزاییەکی زۆری لە سەر ئاستی نێودەوڵەتی بە دوای خۆیدا هێناوە.