پیرۆ ڕیکۆردێکی کتێبی گینس ڕەت دەکاتەوە

ئاڤا نیوز

 

حکومەتی پیرۆ ڕیکۆردێکی کتێبی گینس بۆ ژمارە پێوانەییەکان ڕەت دەکاتەوە و ڕایدەگەیێنێت، بەتەمەنترین کەسی جیهان هاووڵاتییەکی ئەوانە و تەمەنی 124 ساڵە.

 

چیرۆکی سەرەکی: لە کتێبی گینسدا پیاوێکی بەریتانی تەمەن 111 ساڵ وەکو بەتەمەنترین پیاوی جیهان ناوی هاتووە، کە چەند ڕۆژێک پێش ئێستا دوای مردنی پیاوێکی ڤەنزوێلی تەمەن 114 ساڵ نازناوەکەی وەرگرت.

 

ئەوەی پێویستە بیزانیت: حکومەتی پیرۆ ئەم ریکۆردە ڕەت دەکاتەوە و دەڵێت ئەوان خاوەنی بەتەمەنترین پیاوی جیهانن، ناوی ئابادە و تەمەنی 124 ساڵە.

 

ڕاگەیێنراوی فەرمی: ئاباد لەدایکبووی ساڵی 1900ـە و خەڵکی ناوچەی هوانوکۆیە لە ناوەڕاستی پیرۆ، ئێستا لە هەوڵدان ناوی لە کتێبی گینس تۆمار بکرێت.

 

هۆکارە زانراوەکان: هۆکارەکەی ژیانکردنە بە شێوازێکی تەندروست و لەنێو سروشتدا، ئابادی خۆی دەڵێت، یەکێک لە نهێنییەکانی تەمەندرێژی ڕێجیمێکی دەوڵەمەندە بە میوە.