شێخ دارا: دوو شەپۆلی بەفر و باران ڕوو لە هەرێمی کوردستان دەکات

ئاڤا نیوز

تاوەکو ناوەڕاستی هەفتەی داهاتوو پلەکانی گەرما بەنزمی دەمێننەوە، پێشبینیش دەکرێت دوو شەپۆلی دیکەی بارانبارین ڕوو لە هەرێمی هەرێمی کوردستان بکات. 

وێنە گەورەکە: ئەمساڵ جیاواز لەساڵی ڕابردوو، چەند شەپۆلێکی بارانبارین ڕووی لە هەرێمی کوردستان کردووە و لە بەشێک لە ناوچەکانیش بەهۆی زۆری بارانبارینەوە لافاو دروستبووە و بەهۆیەوە ئاو چووە ماڵی هاونیشتمانییانی شاری چەمچەماڵ و دەورووبەری. 

لێدوانی فەرمی: شێخ دارا حەسەن، شارەزای کەشناسی و پێشکەشکاری ئاڤا میدیا ڕایگەیاند: پێشبینی دەکرێت ڕۆژانی 27 و 28ـی ئەم مانگە شەپۆلێکی جەمسەری ئەوروپی – باکوور بێتەوە ڕۆژهەڵاتی ناوەڕاست و دەریای سپیی ناوەڕاست، ئەگەری بارانبارینی لێدەکرێت.

- لەناوچە شاخاوییەکان ئەگەری بەفربارینی لێدەکرێت، بە هەمان شێوە سەرەتای مانگی داهاتووش ئەگەری هاتنی شەپۆلێکی دیکەی بەفر و باران هەیە بۆ هەرێمی کوردستان، بەڵام شەپۆلی چوارەم و پێنجەمی بارانبارین مەترسی ئەوەی نییە لافاو دروست بکات.