بە نووسین لەسەر كاغەز توڕەییەكەت چارەسەر بكە

ئاڤا نیوز

هەرگیز بیرت کردووەتەوە نووسینی تووڕەییەکەت لەسەر کاغەز و فڕێدانی، دەبێتە هۆی ئەوەی تووڕەییەکەت نەمێنێت، ئەم ڕێگەیە لە توێژینەوەیەکدا سەرکەوتوو بووە.

وێنە گەورەكە: بێگومان هەستکردن بە تووڕەیی سروشتییە، بەڵام سەرەڕای ئەمەش زۆرێک لە پسپۆڕان ڕێگەکانی مامەڵەکردن لەگەڵ ئەم هەستە و هێورکردنەوەی دەمارەکان پێشکەش دەکەن.

بڵاوکراوەی فەرمی: پرۆفیسۆر نۆبویوکی کاوای، لە زانکۆی ناگۆیای ژاپۆن، دەڵێت: پێشبینیمان دەکرد شێوازەکەمان تا ڕادەیەک تووڕەیی کەم بکاتەوە، بەڵام توێژەران سەریان سووڕماوە لەوەی ئەم تەکنیکە نەک تا ڕادەیەک بەڵکو بووەتە هۆی ئەوەی تەواوی تووڕەبوون چارەسەر بکات.

ئەوەی پێویستە بیزانیت: نزیکەی 100 خوێندکار بەشدارییان لە تاقیکردنەوەیەکدا کرد، کە بە ئەنقەست نمرەی کەمیان پێدرا، دواتر داوا لە بەشداربووان کرا کە هەستەکانیان لەسەر کاغەزێک بنووسن، نیوەیان پێیان گوترا کە بیدڕێنن و فڕێی بدەن، نیوەکەی تریش هێشتوویانەتەوە.

کاریگەری و لێکەوتەکان: بەرپرسانی توێژینەوەکە ئاماژەیان بەوە کردووە "تووڕەیی ئەو گرووپەی کە کاغەزەکانیان فڕێداوە بە تەواوی کەمی کردووە، لەکاتێکدا تووڕەیی ئەو گرووپەی کە کاغەزەکانیان هێشتووەتەوە وەک خۆی ماوەتەوە.