ئاڤا کورتە فیلمێک لە بارەی جەژنەوە بڵاودەکاتەوە

ئاڤا نیوز

خەلۆ و جەلۆ، بە کورتە فیلمێک جەژن لە کۆنەوە تا ئێستا بۆ بینەرانی ئاڤا دەگێڕنەوە، ئەمەش یەکەم بەرهەمی ئاڤا بەهدینانە.

چیرۆکی سەرەکی: بە بەشداری هەردوو ئەستێرەی دیاری ئاڤا، خەلیل قەدیش و جەلال عەبدوڵا کە ناسراون بە خەلۆ و جەلۆ،  ئاڤا یەکەم کورتە فیلمی خۆی بڵاودەکاتەوە، كورتە فیلمەكە سەبارەت بە جەژنە و لە ساڵی 1980ەوە تاوەكو ساڵی 2024 دەگێڕێتەوە.

زانیاریی زیاتر: کورتە فیلمەكە خۆی لە چوار قۆناغ دەبینێتەوە، باس لە کەشوهەوای جەژن و پێشوازیکردن لە میوان و داب و نەریتەكان لە کۆنەوە تا ساڵی 2024 دەكات و بە شێوەیەکی کۆمیدی دەیگێرێتەوە.

ئەمەش بزانە: قۆناغی یەکەم باس لە جەژن دەکات لە ساڵی 1980کانەوە، قۆناغی دووەمیش باسی جەژن دەکات لە ساڵانی دوای ڕاپەرین، لە قۆناغێ سێیەمیشدا باس لە جەژن دەکات لە ساڵانی 2000 ەكانەوە تاوەكو ساڵی 2015، قۆناغی چواڕەمیش باس لە سەردەمی ئێستا دەکات کە سەردەمی پێشکەوتنی تەکنەلۆژیایە.

باكگراوند: دوو ئەکتەرە سەرەکییەکەی ئەم کورتە فیلمە خەلۆ و جەلۆن، لەگەڵ هەندێک ئەکتەری دیکەی دهۆک و بەهدینان، دیمەنی سەرەکی لە گوندێکی نزیک دهۆک و سەنتەری شاری دهۆک گیراوە، سیناریۆکەشی هی نوسەر بەیار عیزەتە.

بۆچی گرنگە: بۆ پاراستنی كەلتوور و بیرخستنەوەی هاووڵاتییان ئەم چالاكییانە پێویستن.