نزیکەی 400 کۆچبەر لە کەناراوەکانی یۆنان ڕزگار کران

ئاڤا نیوز 

 

هێزەکانی پاسەوانی کەناراوەکانی یۆنان ڕایگەیاند، لە ئۆپەراسیۆنێکی بەرفراواندا توانیویانە نزیکەی 400 کۆچبەر لە نزیک دوورگەی کریت لە نوقمبوون ڕزگار بکەن.

 

چیرۆکی سەرەکی: کۆچبەرەکان بەمەبەستی گەیشتن بە ئەورووپا ڕوویان لە یۆنان کردبوو. لە دووری 35 میل لە دوورگەی گاڤدۆس، 365 کۆچبەر لە ناو بەلەمێکی ڕاوەماسیدا ڕزگارکران.

 

زانیاریی زیاتر: لەم پڕۆسەیەدا کەشتییەکی بارهەڵگری دانیمارکی و کۆپتەرێکی فریاگوزاری بەشدار بوون. 30 کۆچبەری دیکەش لەلایەن ئاژانسی (فرۆنتێکس)ی سەر بە یەکێتیی ئەورووپا ڕزگار کران و گوازرانەوە بۆ دوورگەی کریت. 

 

لەلایەکی دیکە: ڕۆژێک پێشتریش 39 کۆچبەری دیکە کە لەناو بەلەمێکی لاستیکدا بوون، لە باشووری کریت ڕزگار کران.