دەزگای ئاسایشی هەرێم بۆ ئاڤا: ئەو گەنجەی لە سلێمانی کوژرا لەسەر کێشەی کۆمەڵایەتی بووە

ئاڤا نیوز

ئەمڕۆ لە یەکێک لە هۆتێلەکانی ناو بازاڕی سلێمانی تەرمێک دۆزرایەوە، دەزگای ئاسایشی هەرێم لەوبارەیەوە دەڵێت 'بکوژەکەمان دەستگیر کردووە و کێشەکە کۆمەڵایەتییە".

چیرۆکی سەرەکی: ئەمڕۆ شەممە، لە یەکێک لە هۆتێلەکانی نێو بازاڕی شاری سلێمانی تەرمێک دۆزرایەوە، کە ئاسەواری چەقۆی بەسەرەوە دیار بوو. دەرکەوت هاووڵاتییەکی باکووری کوردستانە و ڕەگەزنامەی تورکیای هەیە.

زانیاریی تایبەت: سەرچاوەیەک لە دەزگای ئاسایشی هەرێم بە ئاڤای ڕاگەیاند: ئەو کەسەی کوژراوە خەڵکی باکووری کوردستانە، لەلایەن براکەیەوە بە چەقۆ کوژراوە، بکوژەکەمان دەستگیر کردووە.

ئەوەی پێویستە بیزانیت: بەگوێرەی لێکۆڵینەوە سەرەتاییەکانی ئاسایش دەرکەوتووە، کە هۆکاری کوشتنەکە کێشەی کۆمەڵایەتییە نەک سیاسیی.