لە هەولێر 315 هەزار کارتۆن هێلکە ڕەوانەی پارێزگاکانی ناوەڕاستی عێراق دەکرێت

ئاڤا نیوز

 

لە پاڵ هەناردەی بەرهەمە کشیوکاڵییەکانی دیکە، ساڵانە بڕێکی زۆر بەرهەمی هێلکە ڕەوانەی پارێزگاکانی ناوەڕاست و خوارووی عێراق دەکرێت و لە سنووری پارێزگای هەولێر مانگانە 75 هەزار کارتۆن بۆ پێداویستی ناوخۆ دابین دەکرێت.

 

چیرۆکی سەرەکی: تادێت خواست لەسەر بەرهەمی کشتوکاڵی جووتیارانی هەرێمی کوردستان زیاتر دەبێت، تەنیا لە هەولێر ڕۆژانە 13 هەزار کارتۆن هێلکە بەرهەم دەهێنرێت، جگە لە پڕکردنەوەی پێداویستی ناوخۆ، ڕەوانەی پارێزگاکانی دیکەی عێراق دەکرێت.

 

لێدوانی فەرمی: هێمن سەید موراد، بەڕێوەبەری گشتیی کشتوکاڵی هەولێر بە ئاڤای گوت، "مانگانە 390 هەزار کارتۆن هێلکە لە کێڵگەکانی هەولێر بەرهەم دەهێنرێت، 315 هەزار کارتۆن ڕەوانەی پارێزگاکانی ناوەڕاست و خوارووی عێراق دەکرێت."

 

زانیاریی زیاتر: لە سنووری پارێزگای هەولێر، 570  کێلگەی پەلەوەری و 18 کێڵگەی بەرهەمهێنانی هێلکە کاردەکەن و بەرهەمیان هەیە، مانگانە 75 هەزار کارتۆن بۆ پێداویستی ناوخۆ دابین دەکرێت.