سەرۆک بارزانی و تۆم باراک: پێویستە هەنگاوی جددی بۆ بەدیهاتنی ئاسایش و سەقامگیری و ئاشتی بنرێت

ئاڤا نیوز

ئێوارەی ئەمڕۆ پەیوەندییەكی تەلەفۆنیی لە نێوان سەرۆك مەسعود بارزانی و  تۆم باراك، نێردەی تایبەتی سەرۆك ترەمپ بۆ كاروباری سووریا ئەنجام درا، پەیوەندییەكی تەلەفۆنییان ئەنجام دا لە ناوەڕۆکی پەیوەندییەکەدا جەخت لەوەکرایەوە پێویستە هەموو هەوڵێك بدرێت بۆ ئەوەی گرژی و ئاڵۆزییەكان نەمێنن و بارودۆخ ئاسایی ببێتەوە.

ڕاگەیێنراوی فەرمی: بارەگای بارزانی بڵاوی کردەوە، لە پەیوەندییەکەدا بیروڕا لەبارەی بارودۆخی سیاسیی ناوچەكە و سووریا و دوایین پەرەسەندن و گرژییەكانی سووریا و شاری حەلەب ئاڵوگۆڕ كرا.

هەردوولا جەختیان لەوە كردەوە، پێویستە هەموو هەوڵێك بدرێت بۆ ئەوەی گرژی و ئاڵۆزییەكان نەمێنن و بارودۆخ ئاسایی ببێتەوە و هەنگاوی جددیش بۆ بەدیهاتنی ئاسایش و سەقامگیری و ئاشتی بنرێت.

لەلایەکی دیکەوە: هەر ئەمڕۆ هەینی ئەحمەد شەرع، پەیوەندییەکی تەلەفۆنی بە سەرۆک بارزانییەوە کرد. لە پەیوەندییە تەلەفونییەکەدا هەردوولا جەختیان لە بایەخی سەقامگیری و هەماهەنگیی هاوبەش كردەوە و سەرۆک بارزانیش پشتیوانیی خۆی بۆ بونیادنانی دەوڵەتێکی گشتگیر بۆ هەموو سوورییەکان دەربڕی.