ترەمپ لەبارەی گرژییەکانی حەلەب: دەمانەوێت تووندوتیژییەکان بوەستێنرێن

ئاڤا نیوز

سەرۆکی ئەمریکا لەبارەی گرژییەکانی حەلەب دەڵێت، دەمانەوێت بە زووترین کات کۆتایی بەو توندوتیژییانە بهێنرێت و بوەستێنرێن.

لێدوانی فەرمی: دۆناڵد ترەمپ، لە نوێترین لێدوانیدا سەبارەت بە بارودۆخی سوریا ڕایگەیاند، وڵاتەکەی پەیوەندییەکی باشی لەگەڵ هەریەکە لە کوردەکان و حکومەتی سووریا هەیە و تەبایە لەگەڵ هەردوولا.

ترەمپ ئاماژەی بەوە کرد، هەرچەندە کورد و حکومەتی سووریا بە درێژایی ساڵانی ڕابردوو وەک دوژمنی سروشتیی یەکتر ناسراون، بەڵام ئێمە پەیوەندییەکی باشمان لەگەڵ هەردوولایان هەیە و دەمانەوێت سەرکەوتنی سووریا ببینین.

سەبارەت بە ئاڵۆزییەکانی ئەم دواییانەش، ترەمپ نیگەرانی خۆی دەربڕی و وتی، پێشتر پێشکەوتن لە ئارادا بوو، بەڵام ئێستا جارێکی دیکە تووندوتیژییەکان سەریان هەڵداوەتەوە، ئێمە دەمانەوێت بە زووترین کات کۆتایی بەو توندوتیژییانە بهێنرێت و بوەستێنرێن.