فەرەنسا پەیامێکی بەپەلە بۆ حەلەب دەنێرێت

ئاڤا نیوز

وەزارەتی دەرەوەی فەرەنسا نیگەرانیی قووڵی خۆی لە دەستپێکردنەوەی شەڕ لە شاری حەلەب، بەتایبەت لە گەڕەکی شێخ مەقسوود دەربڕی و داوای کرد تەواوی شەڕڤانان بە شێوەیەکی "شکۆمەندانە" لە ناوچەکە بکشێنەوە.

وێنە گەورەکە: فەرەنسا کە هەمیشە وەک یەکێک لە پشتیوانە نێودەوڵەتییەکانی پێکهاتەی کورد لە سووریا دەبینرا، ئێستا لە ڕێگەی داوای "کشانەوەی شکۆمەندانە"وە، دەیەوێت ڕێگری لە کارەساتێکی مرۆیی گەورە لەناو حەلەبدا بگرێت.

ڕاگەیێنراوی فەرمی: لە پەیامێکدا وەزارەتی دەرەوەی فەرەنسا نیگەرانی خۆی بۆ دەستپێکردنەوەی شەڕ لە حەلەب بەتایبەتی لە شێخ مەقسوود دەربڕی و ڕایگەیاند، پشتگیری لەو پێشنیازانە دەکەین کە ئامانجیان دڵنیابوونە لە پاراستنی هەموو مەدەنییەکانی حەلەب، وەک ئەوەی حکومەتی سووریا بەڵێنی داوە، هاوکات وەزارەتەکە داوای کشانەوەی شکۆمەندانەی تەواوی شەڕڤانان دەکات لەو ناوچەیە.

زانیاریی زیاتر: ئەم هەڵوێستەی فەرەنسا تەنیا دوای چەند کاتژمێرێک دێت لە پەیوەندییە تەلەفۆنییەکەی نێوان ئەحمەد شەرع و ئیمانوێل ماکرۆن.