ڤەنزوێلا و ئەمریکا هەوڵی ئاسایی کردنەوەی پەیوەندییەکانیان دەدەن

ئاڤا نیوز

بڕیارە شاندێکی دیپلۆماسیی ئەمریکا لەگەڵ بەرپرسانی ڤەنزوێلا لە کاراکاس کۆ ببنەوە، بە مەبەستی تاوتوێکردنی ئاسایی کردنەوەی پەیوەندییە دیپلۆماسییەکانی نێوان هەردوو وڵات.

چیرۆکی سەرەکی: ئامانجی سەرەکیی سەردانی شاندە ئەمریکییەکە بۆ کاراکاس، گفتوگۆیە لەسەر دووبارە کردنەوەی باڵیۆزخانەی ئەمریکا لەو وڵاتە.

ئەوەی پێویستە بیزانیت: ئەم هەنگاوە تەنیا چەند ڕۆژێک دوای ئەوە دێت کە هێزەکانی ئەمریکا نیکۆلاس مادۆرۆ، سەرۆکی ڤەنزوێلایان لە پۆستی سەرۆکایەتیی وڵاتەکە لادا، دەستگیر کرد و بۆ ئەمریکایان گواستەوە.

لەلایەکی دیکەوە: حکومەتی ڤەنزوێلا پێشتر ڕایگەیاندبوو کە دەستیان بە گفتوگۆ لەگەڵ دیپلۆماتکارانی ئەمریکی کردووە؛ ئەمەش وەک ئاماژەیەک بۆ هاوئاهەنگیی نوێ لە نێوان هەردوو وڵات، دوای دەستگیر کردنی مادۆرۆ و ڕاگەیاندنی دۆناڵد ترەمپ، سەرۆکی ئەمریکا، بەوەی کە خۆی بە "بەرپرسی یەکەم"ی ڤەنزوێلا دەزانێت.