نێردراوی ئاڤا: شەڕ لە حەلەب نەوەستاوە و هێرشی درۆنی هەیە

ئاڤا نیوز

 

تا ئێستا شەڕ لە نێوان هێزەکانی ئاسایشی ڕۆژئاوای کوردستان و سوپای عەرەبی سووریا و گرووپە چەکدارەکانی دیکەی دیمەشق بەردەوامە، نێردراوی ئاڤا ڕایگەیاند، هێرشی درۆنی لە حەلەب هەیە و هیچ هاوکارییەکی مرۆیش نەگیشتووەتە گەڕەکەکانی ئەشرەفییە و شێخ مەقسوود.

 

زانیاریی پەیامنێر: سۆلین محەممەد ئەمین، نێردراوی ئاڤا لە حەلەب ڕایگەیاند: "هێرشی درۆنی لە حەلەب هەیە، تا ئێستا دەنگی تەقە لە هەردوو گەڕەکی ئەشرەفییە و شێخ مەقسوود دەبیسترێت. نێردراوی ئاڤا دەڵێت: "ماوەی سێ رۆژە  ئاو و کارەبا نیە، دۆخەکە زۆر سەختە و هێڵەکانی ئینتەرنێت پچڕاوە، هیچ هاوکارییەک نەگەیشتووەتە ناو گەڕەکە کوردییەکان."

 

٠ جگە لە هەندێک نان و کێک، هاوکاریی و کۆمەکی پێویست بە هیچ شێوەیەک نەگەیشتووە گەڕەکەکانی ئەشرەفییە و شێخ مەقسوود. 

 

لەلایەکی دیکەوە: ئەمڕۆ سوپای عەرەبی سووریا ڕایگەیاند، لە کاتژمێر (03:00) ئۆپەراسیۆنی سەربازییان لە شێخ مەقسوود ڕاگرتووە و هێزەکانیان لەناو کۆڵانەکانی ئەو ناوچەیە بڵاوبوونەتەوە.