ئاڤای خەڵک؛ ژیانى ناله‌باری به‌ساڵاچوویه‌ک ده‌خاته‌ڕوو

ئاڤا نیوز

 

دانیشتووانی گوندی زڕگوێزە لە ناوچەی سورچیاتی دەڤەری سۆران لە ڕێگای ئاڤاوە داوا دەکەن، لایەنە پەیوەندیدارەکان هاوکاریی پیاوێکی تەمەن 100 ساڵ بکەن. 

 

چیرۆکی سەرەکی: لە گوندی زڕگوێزە، لە ناوچەی سورچیاتی دەڤەری سۆران، پیاوێکی بەساڵاچوو بەناوی مام حوسێن، تەمەنی زیاتر لە سەد ساڵە، مام حوسێن لەم گوندە لە ماڵێکی وێرانەدا دەژیت و بەم زستانە تەنیا و بێ کەسە.

داواکاریی فەرمی: خەڵکی گوندی زڕگوێز لە ڕێگای ئاڤاوە داوا دەکەن، لایەنە پەیوەندیدارەکان ئاوڕێک لە مام حوسێن بدەنەوە، دەڵێن: "بەڕاستی پێویستی بە خزمەتە، کەسێک نییە بێت بەهانایەوە و تەندروستی باش نییە، چاوەکانی خەریکە بە تەواوی لە دەستبدات." دەشڵێن: "کەسێک نییە خزمەتی بکات."

 

زانیاریی زیاتر: ئەو کەسەی ئاگای لە مام حوسێنە دەڵێت: "ماوەیەک پێش ئێستا مام حوسێن نەخۆش بوو، بردمان بۆ نەخۆشخانە و لەوێ بوو بۆ ماوەی شەو و ڕۆژێک، بەڵام دواتر هێنایانەوە و و وتیان ئەگەر مردیش مەیهێننەوە بۆ نەخۆشخانە."