نرخی زێڕ 50 دۆلار بەرز دەبێتەوە

ئاڤا نیوز

 

نرخی زێڕ لە بازاڕەکاندا بەرزدەبێتەوە، شارەزایانی بوارەکەش پێشبینی دەکەن ئەمساڵ نرخی ئۆنسەیەک زێڕ لە بازاڕەکانی جیهاندا بگاتە پێنج هەزار دۆلار و نرخەکە زیاتر هەڵکشێت.

 

لێدوانی فەرمی: وریا عەلی، ئەندامی سەندیکای زێڕنگرانی هەولێر، بە ئاڤا میدیای وت: "سەرەڕای ئەوەی بۆرسە داخراوە، بەڵام بە بەراورد بە ڕۆی پێنجشەممەی ڕابردوو، نرخی یەک ئۆنسە زێڕ 50 دۆلار و یەک مسقاڵ زێڕ 10 هەزار دینار بەرزبووەتەوە."

 

ئەندامەکەی سەندیکای زێڕنگرانی هەولێر دەشڵێت: "هاووڵاتیان خواستیان لەسەر کڕینی زێڕ بە بەراورد بە پێشتر کەمترە، زیاتر ڕوویان لە کڕینی زیو کردووە، کیلۆیەک زیو بە دوو هەزار و 800 دۆلار لە بازاڕد مامەڵەی پێوە دەکرێت."

 

٠ پێشبینی دەکرێت ئەمساڵ نرخی ئۆنسەیەک زێڕ لە بازاڕەکانی جیهاندا بگاتە پێنج هەزار دۆلار.

 

زانیاری زیاتر: نرخی زێڕ لە بازاڕەکانی کوردستان بەم جۆرەیە:

 

٠ یەک ئۆنسی زێڕ بە چوار هەزار و 509 دلارە

٠ مسقاڵێک زێڕ عەیار 22 بە 970 هەزار دینارە

٠ مسقاڵێک زێڕ عەیار 21 بە 927 هەزار دینارە

٠ مسقاڵێک زێڕعەیار 18 بە 795 هەزار دینارە