لێدوانی پێشەوا هەورامانی لەبارەی مووچە فەوتاوەکانی ساڵی ڕابردوو

ئاڤا نیوز

 

پێشەوا هەورامانی دەڵێت: حەوت مووچەی مووچەخۆرانی کوردستان لای حکومەتی فیدراڵە، لە کاتی گفتوگۆکان لەگەڵ حکومەتی عێراق داوایان دەکەین و دەستبەرداریان نابین.

 

چیرۆکی سەرەکی: ئەمڕۆ چوارشەممە کۆبوونەوەی ئەنجوومەنی وەزیران بەسەرپەرشتیی سەرۆکوەزیران مەسرور بارزانی کۆبووەوە؛ پاش کۆبوونەوەکە پێشەوا هەورامانی، وتەبێژی حکومەتی هەرێمی کوردستان لە کۆنگرەیەکی ڕۆژنامەوانیدا، سەبارەت بە ناوەڕۆکی کۆبوونەوەکە، پرسی مووچە، بودجە و ڕێککەوتنی نەوت لەگەڵ حکومەتی عێراق و چەندین پرسی دیکە قسەی بۆ ڕۆژنامەنووسان کرد.

 

لێدوانی فەرمی:  پێشەوا هەورامانی، وتەبێژی حکومەتی هەرێمی کوردستان ڕایگەیاند، لە ماوەی سێ ساڵی ڕابردوو حەوت مووچەی مووچەخۆران نەدراوە و لە کاتی گفتوگۆکان لەگەڵ حکومەتی عێراق داوایان دەکەین و دەستبەرداریان نابین.

 

-بە وتەی پێشەوا هەورامانی، سەرۆکوەزیران مەسرور بارزانی داوای ئامادەکردنی وەرەقەیەکی کردووە، بۆ کاتی چوونە گفتوگۆ لەگەڵ حکومەتی نوێی فیدراڵ لەسەر دانانی یاسای بودجە.

 

لەلایەکی دیکە: وتەبێژی حکومەتی کوردستان گوتیشی: چاوەڕێی پێکهێنانی کابینەی نوێی حکومەتی فیدراڵین، دواتر لەسەر پرسی بودجە و پشکی هەرێمی کوردستان گفتوگۆیان لەگەڵ دەکەین، چونکە تا ئێستا زۆر کەمتر لە مافی خۆمان پێدراوە.