هەسەدە: شەڕی مان و نەمان لە شارە کوردییەکان دەکەین

ئاڤا نیوز

فەرماندەیی گشتیی هێزەکانی سووریای دیموکرات (هەسەدە) ڕایدەگەیێنێت، باکوور و ڕۆژهەڵاتی سووریا ڕووبەڕووی هێرشی تووندی دەوڵەتی تورکیا و گرووپە تووندڕەوەکان بووەتەوە کە ئامانجیان شکاندنی ئیرادەی گەلە.

چیرۆکی سەرەکی: ئێوارەی ئەمڕۆ دووشەممە، مەزڵووم عەبدی، فەرماندەی گشتی "هەسەدە" لە دیمەشق لەگەڵ ئەحمەد شەرع، سەرۆکی سەرۆکی سووریا کۆبووەوە و کۆبوونەوەیەکەیان بەبێ ئەنجام کۆتایی هات ڕێککەوتنی ڕۆژی یەکشەممە نەچووەتە بواری جێبەجێ کردنەوە. 

ڕاگەیێنراوی فەرمی: فەرماندەیی گشتیی هێزەکانی سووریای دیموکرات (هەسەدە)  لە پەیامێکدا ڕایگەیاند، هەروەک چۆن لە ساڵی 2014 داستانێکی مێژووییمان لە کۆبانی بەرامبەر داعش تۆمار کرد، ئێستاش شارەکانمان لە دێرکەوە تاوەکو حەسەکە و کۆبانی دەکەنە "گۆڕستان" بۆ تووندڕەوەکان و ڕێگە نادەن دەستکەوتەکانمان لەناو بچێت.

زانیاریی زیاتر: فەرماندەیی گشتیی هەسەدە داوایەکی بەپەلەی ئاراستەی گەنجانی هەر چوار پارچەی کوردستان و تاراوگە کرد تاوەکو سنوورەکان تێکبشکێنن و بەشداری لە بەرگرییەکی نیشتمانیی گشتگیردا بکەن بۆ پاراستنی ڕۆژئاوای کوردستان.

٠ هەسەدە لە پەیامەکەیدا ئاماژەی بەوەش کرد کە ئەمڕۆ ڕۆژی پاراستنی کەرامەت و بەرپرسیارێتییە مێژووییەکانە، چونکە ئیرادەی گەلان لە هەر جۆرە داگیرکاری و هێرشێکی بەربەریانە بەهێزترە.

ئەوەی پێویستە بیزانیت: ئەم ئامادەباشییە گشتییە دوای ئەوە دێت کە لە 6 کانوونی دووەمەوە هێرشەکان تووندبوونەتەوە و هەسەدە دووپاتی دەکاتەوە کە بە هەموو هێزییەوە بەرگری لە خاکەکەیان دەکەن و ڕێگری لە هەر هەوڵێکی قڕکردن دەگرن کە ئاسایشی پێکهاتەکان بخاتە مەترسییەوە.

ئەوەی ئێستا ڕوودەدات: ئێستا شەڕێکی سەخت لە ڕۆژئاوای کوردستان دەکرێت، هێزە کوردییەکان لە چەندین لاوە ڕووبەڕووی گرووپەکانی نزیک لە حکومەتی سووریا و سوپای عەرەبی سووریا بوونەتەوە.