پەرلەمانتارێکی عێراق: پێویستە لەڕووی کشتوکاڵەوە چاو لە ئەزموونی هەرێمی کوردستان بکەین

شەیری بکە لە:
مەترسیی بە بیابانبوون لە عێراق زۆرە - BBC

مەترسیی بە بیابانبوون لە عێراق زۆرە - BBC

ئاڤا نیوز 

 

ئەندامێکی لیژنەی کشتوکاڵ لە ئەنجوومەنی نوێنەرانی عێراق ئاماژە بەوە دەدات، عێراق وشکەساڵی تێنەپەڕاندووە، پێویستە چاو لە ئەزموونی هەرێمی کوردستان بکەن.

 

وێنە گەورەکە: زیاتر لە ساڵێکە تورکیا ئاوی دیجلە و فوراتی لەسەر عێراق گرتووەتەوە، کاریگەریی نەرێنی لەسەر ئاوی عێراق دروستکردووە، چونکە 70% ئاوی عێراق سەرچاوەکەی لە دیجلە و فوراتە.

 

لێدوانی فەرمی: "پێویستە عێراق چاو لە ئەزموونی هەرێمی کوردستان بکات، بودجەیەکی تایبەت بخاتە خزمەت دروستکردنی پۆند و بەنداو بۆ گلدانەوەی ئاوی باراناو، تاوەکو قەیرانی ئاو چارەسەر بکات و بەر لە وشکەساڵی بگرێت."

 زۆزان کۆچەر، جێگری سەرۆکی لیژنەی کشتوکاڵ و سەرچاوەکانی ئاو لە ئەنجوومەنی نوێنەرانی عێراق، ئەوەی بە ئاڤا نیوز ڕاگەیاند.

 

لەلایەکی دیکەوە: کۆتایی مانگی چوار کۆنگرەی ئاو لە بەغدا دەکرێت، بەشێکی وڵاتان بەشداری دەکەن، دەرفەتێکی باشە بۆ ئەوەی عێراق گرفتەکانی خۆی بە ئاراستەی چارەسەر بخاتەڕوو و کۆتایی بە قەیرانی کەمئاوی لە پارێزگاکانی بهێنێت.

 

ئەوەی پێویستە بیزانیت: ئەمساڵ لەعێراق 11 ملیار مەتر سێجا ئاو گلدراوەتەوە، بەڵام بەس نییە بۆ چارەسەری کێشەکە، چونکە ساڵانە بەشێوەیەکی گشتیی پێویستی بە 70 ملیار مەتر سێجا ئاو هەیە.

شەیری بکە لە:

دوایین هەواڵەکان