سەرۆکوەزیران مەسرور بارزانی لەگەڵ جێنشینی دوبەی و جێگری سەرۆک وەزیرانی ئیمارات کۆدەبێتەوە

ئاڤا نیوز

سەرۆکوەزیران مەسرور بارزانی، لەگەڵ جێنشینی دوبەی و جێگری سەرۆکوەزیرانی ئیمارات و وەزیری بەرگری ئەو وڵاتە گفتوگۆیان لەبارەی پەرەپێدانی زیاتری پەیوەندیی نێوان کوردستان و ئیمارات تاوتوێ کرد.

چیرۆکی سەرەکی: ئەمڕۆ پێنجشەممە، 5-2-2026، لە پەراوێزی بەشداریکردنی لە لووتکەی جیهانیی حکومەتەکان لە دوبەی، سەرۆکوەزیران، مەسرور بارزانی، لەگەڵ شێخ حەمدان بن محەمەد بن ڕاشد ئال مەکتووم، جێنشینی دوبەی و جێگری سەرۆک وەزیرانی ئیمارات و وەزیری بەرگری کۆبووەوە.

زانیاریی زیاتر: لە دیدارەکەدا هەردوولا جەختیان لە پەرەپێدانی زیاتری پەیوەندیی دوولایەنە لە بوارە جۆراوجۆرەکاندا کردەوە. سەرۆکوەزیران، سوپاسی پشتیوانی و هاریکاريی بەردەوامی دەوڵەتی ئیماراتی بۆ هەرێمی کوردستان کرد.

 

ئەوەی پێویستە بیزانیت: کۆی گشتیی بەشداربووان لەم لووتکەیە دەگاتە نزیکەی شەش هەزار و 250 کەسایەتی، کارنامەی ئەمساڵی لووتکەی جیهانیی حکوومەتەکان بریتی بوو لە حکوومڕانیی جیهانی، خۆشگوزەرانیی کۆمەڵایەتی، گەشەپێدانی ئابووری و داهاتووی شارەکان.

باکگراوند: سەرۆکوەزیران، مەسرور بارزانی، لەسەر بانگهێشتی فەرميی شێخ محەمەد بن ڕاشد ئال مەکتووم، جێگری سەرۆک و سەرۆکوەزیرانی ئیمارات و حاکمی دوبەی، بەمەبەستی بەشداریکردن لە لووتکەی حکومەتەکانی جیهان بۆ ساڵی 2026 بانگهێشتکراوە.