تەنیا لە سێ مانگی ئەمساڵدا؛ لە عێراق نزیکەی چوار هەزار تۆمەتباری ماددەی هۆشبەر دەستگیرکراون

ئاڤا نیوز

 

لە سێ مانگی یەکەمی ساڵی 2024 حکومەتی عێراق، نزیکەی چوار هەزار کەسی بەتۆمەتی مامەڵەکردن بە ماددەکانی هۆشبەر دەستگیر کردووە.

 

ڕاگەیێنراوی فەرمی: وەزارەتی ناوخۆی عێراق، ڕایگەیاند، ئەمساڵ 3 هەزار و 875 تۆمەتباری ماددەکانی هۆشبەردا دەستگیرکردووە، هەروەها 2 هەزار و 109 بڕیاری سزای لەسێدارەدان و زیندانی هەمیشەیی بۆ قاچاخچی و بازرگانانی ماددە هۆشبەرەکان دەرکراوە، هەروەها دەستیان بەسەر 9 تۆن لەو ماددانەدا گرتووە.

 

زانیاریی زیاتر: وەزارەتی ناوخۆی عێراق بڕیاری داوە 11 سەنتەری چارەسەری ئاڵوودەبوونی ماددە هۆشبەرەکان لەپاڵ ئەو 16 سەنتەرەی هەیە بکاتەوە.