عەممار حەكیم: کابینەکەی سوودانی لە کابینەکانی پێش خۆی باشترە

ئاڤا نیوز

 

سەرۆکی ڕەوتی حیکمە یەکێکە لە میوانەکانی دیداری سلێمانی و ئاماژەی بەوە کرد، لەگەڵ ئەوەدانین ئاسمانی هیچ وڵاتێک بۆ هێرشکردنە سەر وڵاتێکی دیکە بەکاربهێنرێت.

وێنە گەورەکە: عەممار حەکیم، لە هەشتەمین دیداری سلێمانی بەشداری لە پانێلێکدا کرد، تیشکی خستە سەر دۆخی سیاسی، ئەمنیی و ئابووریی عێراق و ناوچەکە.

 

لێدوانی فەرمی: عەممار حەکیم، سەرۆکی ڕەوتی حیکمە گوتی: "کابینەکەی سوودانی لەوانەی پێشووتر باشترە، خەڵك بەچاوی خۆی دەبینێت پڕۆژەكان لە سەرتاسەری عێراقدا جێبەجێ دەكرێن و سوودانی ئاگاداری كێشە ناوخۆییەكانی عێراقە، زۆرینەی سیاسییەکانی عێراق لێی ڕازین".

 

ئەوەش بزانە: عەممار حەکیم، لە پانێلەکەیدا تیشکی خستە سەر گرەنتیکردنی بەردوامی ناردنی مووچەی مووچەخۆرانی هەرێمی کوردستان و دڵنیایی دا ناردنی مووچە بەردەوام دەبێت.