خەلیل شیرغوڵامی: ئێران نیشانی ئیسرائیلی دا دەتوانێت هێرش بکات

ئاڤا نیوز

 

جێگری سەرۆکی پەیمانگای توێژینەوەی سیاسی و نێودەوڵەتی لە پانێلێکی دیداری سلێمانیدا گوتی، ئێران تەنها سەدا 5ـی تواناكانی لە هێرشەكەی ئیسرائیل بەكارهێناوە.

 

وێنە گەورەکە: لەژێر ناونیشانی "کاریگەری هەڵوێستی عێراق لەسەر ململانێکانی ڕۆژهەڵاتی ناوەڕاست" شیرغوڵامی بەشداری لە پانێلێکدا کرد و باسی دۆخی ناوچەکەی کرد.

 

لێدوانی فەرمی: خەلیل شیرغوڵامی، جێگری سەرۆکی پەیمانگای توێژینەوەی سیاسی و نێودەوڵەتی ڕایگەیاند: "75 ساڵە فەڵەستین داگیركراوە و مافەكانیان پێشێل دەكرێت و فەڵەستینییەکان مافی خۆیانە ببنە خاوەنی دەوڵەت".

 

ئەمەش بزانە: شیرغوڵامی پێیوایە، هێرشەكەی ئێران چاوەڕوانكراو بوو، ئەوەی بۆ تاران گرنگ بوو، نیشانی ئیسرائیلی دا كە ئەویش دەتوانێت هێرش بكات، وەڵامیشیان نابێت مەگەر جارێکی دیکە ئیسرائیل هێرش بکاتەوە.