واشنتن بۆ بەغدا: هێزەکانمان لە عێراق ناکشێنینەوە

ئاڤا نیوز

 

لە سەردانەکەی سوودانی بۆ واشنتن، گفتوگۆ لەبارەی کشانەوەی هێزەکانی ئەمریکا نەکراوە و وەزیری دەرەوەی ئەمریکا بە سوودانی گوتوە، بەنیازی کارێکی لەوشێوەیە نین.

 

زانیاریی زیاتر: بە گوتەی سەرچاوەیەکی عێراقی، بلینکن بە سوودانی گوتوە: "بەمزووانە هێزەکانیان لە عێراق ناکشێننەوە، بڕیاری کشانەوەش پێویستی بە لێکتێگەیشتنی زیاتر هەیە".

 

لێدوانی فەرمی: سەبهان مەلا جیهاد، ڕاوێژکاری سیاسیی سەرۆکوەزیرانی عێراق: "لە سەردانەکەی سوودانی بۆ واشنتن، گفتوگۆ لەبارەی کشانەوەی هێزەکانی ئەمریکا نەکراوە". 

 

لەلایەکی دیکەوە: سوودانی بۆ پنتاگۆنی ڕوونکردووەتەوە، کە بەغدا جددییە لە داواکارییەکەی بۆ دانانی خشتەیەک سەبارەت بە کشانەوەی هێزەکانی هاوپەیمانان لە عێراق.