ئەمریکا فڕۆکەی جەنگی بە دیاری پێشکەشی عێراق دەکات

ئاڤا نیوز

 

ئەمریکا ژمارەیەک فڕۆکەی جەنگی وەک دیاری دەداتە عێراق؛ لیژنەی هونەری و سەربازیی عێراقیش بۆ کڕینی سیستەمی بەرگریی ئاسمانی چوونەتە چەند وڵاتێک.

 

لێدوانی فەرمی: باسم عەوادی، گوتەبێژی حکومەتی عێراق ڕایگەیاند: "دوای سەردانەکەی سوودانی بۆ ئەمریکا، بەغدا گرێبەست لەگەڵ واشنتن دەکات بۆ کڕینی 41 فڕۆکە".

 

ئەوەش بزانە: لە ماوەی چەند مانگی کەمی داهاتوودا، فڕۆکەکان ڕادەستی عێراق دەکرێن؛ ئەمەش لەکاتێکدایە کە عێراق گرێبەستی بۆ کڕینی ڕاداری فەرەنسی کردووە و ئێستا بەشێکیان گەیشتوون.

 

لەلایەکی دیکەوە: یەحیا ڕەسووڵ، گوتەبێژی فەرماندەی گشتیی هێزە چەکدارەکانی عێراق ڕایگەیاندووە، لیژنەی هونەری و سەربازییان ناردووە بۆ ژمارەیەک وڵات، تاوەکو گرێبەست بۆ کڕینی چەکی دژە فڕۆکە بکەن.