تورکیا لەبارەی لوبنان هۆشداری دەدات

ئاڤا نیوز

وەزارەتی دەرەوەی تورکیا هۆشداری دەداتە هاووڵاتیانی، بەهۆی ناسەقامگیری ناوچەکە سەردانی لوبنان و ناوچەکانی دەوروبەری نەکەن.

وێنە گەورەکە: بەرزبوونەوەی گرژی و ئاڵۆزییەکانی ڕۆژهەڵاتی ناوەڕاست بەتایبەت شەڕ و هێرشە بەردەوامەکانی نیوان ئیسرائیل و حیزبوڵڵای لوبنان کە لەلایەن ئێرانەوە پاڵپشتی دەکرێت، مەترسی لەلای بەشێک لە وڵاتانی  ناوچەکە دروست کردووە و هەوڵی  پاراستنی  هاووڵاتیانیان دەدەن.

ڕاگەیێنراوی فەرمی:  وەزارەتی دەرەوەی تورکیا ڕایگەیاند، لە چوارچێوەی دوایین پێشهاتەکانی ناوچەکە و مەترسییەکانی دەوروبەری لوبنان، داوا لە هاووڵاتییانمان دەکەین نەچنە پارێزگاکانی نەبەتییە، باشووری لوبنان، بێکاع و بەعلبەک لە لونان و بە ناوچەی مەترسیداریان دادەنێت.