عادل باخەوان: مانەوەی ئەمریکا واتای کەمبوونەوەی دەسەڵاتی حەشدی شەعبی دەگەیێنێت

ئاڤا نیوز  

بەڕێوەبەری ناوەندی فەرەنسی بۆ توێژینەوە لەسەر عێراق، پێیوایە ئەگەر سوودانی لەو سەردانەی بۆ ئەمریکا سەرکەوتووبێت، ئەمریکا بە شێوەیەکی یاسایی دەهێنێتەوە ناو عێراق، دەشڵێت "مانەوەی ئەمریکا واتای کەمبوونەوەی دەسەڵاتی حەشدی شەعبی دەگەیێنێت".

وێنە گەورەکە: داواکاریی بەشێک لە هێزە سیاسییەکانی عێراق بەتایبەت شیعەکان، کۆتایی هێنانە بە مانەوەی هاوپەیمانی نێودەوڵەتی بە سەرۆکایەتی ئەمریکا لە عێراق. لە سەردانەکەی سوودانی بۆ واشنتن ئەو دۆسیەیە خراوەتەڕوو.

لێدوانی فەرمی: "چەندە دەسەڵاتی حەشدی شەعبی کەمتر بێتەوە بەسەر حکومەتدا، ئەوەندە بۆ هەرێمی کوردستان و هاووڵاتیانی عێراق باشە. چونکە تیرۆر، ڕفاندن، کوشتن، بە زۆر باج وەرگرتن لە خەڵک، ناردنی درۆن و مووشەکباران بۆ سەر هەرێمی کوردستان کەمدەبێتەوە". د.عادل باخەوان بەڕێوەبەری ناوەندی فەرەنسی بۆ توێژینەوە لەسەر عێراق ئەمەی بە ئاڤا نیوز گوت.

زانیاریی زیاتر: "لەبەر ئەوەی کۆمەڵگەی نێودەوڵەتی و ئەنجوومەنی ئاسایش بڕیار دەدات ئێمە هەبین، بۆیە تا ئەم چرکە ساتە ئێمە دەبێت پشت ئەستوور بە ئەنجوومەنی ئاسایش، هەرێمی کوردستان بپارێزین". عادل باخەوان وادەڵێت.