بنکەیەکی حەشدی شەعبی لە پارێزگای بابل بۆردوومان کرا

ئاڤا نیوز

 

کەمێک پێش ئێستا، ناوەندی سەربازی کالسۆ، کەتایبەتە بە هێزەکانی حەشدی شەعبی، لەباکووری شاری بابل بۆردوومان کرا و دەنگی چەند تەقینەوەیەکی گەورە بیسترا.

 

 

زانیاریی بەدەستهاتوو: میدیا عێراقیەکان دەڵێن، هێرشکراوەتە سەر بارەگای سەرۆکایەتیی ئەرکانی حەشدی شەعبی و گەراجی تانکەکانی حەشدی شەعبی لە بنکەی سەربازیی کالسۆ کە دەکەوێتە باکووری پارێزگای بابل.

 

 

 

زانیاریی زیاتر: پێشتر هێزەکانی ئەمریکا لە بنکەی سەربازیی کالسۆ بوون، دواتر ڕادەستی هێزە عێراقییەکان کرا و ئێستاش هێزەکانی حەشدی شەعبی تێدایە.

 

زیانە سەرەکییەکان: بەپێی سەرچاوە نافەرمی و سەرەتاییەکان لە ئەنجامی هێرشەکە ژمارەیەک چەکداری حەشدی شەعبی کوژراو و بریندار بوونە.

 

ئەوەی لەبارەیەوە دەگوترێت: میدیاکانی حەشدی شەعبی ئەمریکا بە ئەنجامدانی هێرشەکە تۆمەتبار دەکەن.

 

ئەوەی پێویستە بیزانیت: هێرشەکەی سەر بنکەی سەربازیی کالسۆ لەکاتێکدایە، محەممەد شیاع سوودانی، سەرۆکوەزیرانی عێراق بە سەردانێکی فەرمی لە ئەمریکایە.