دوای ئەمریكا  ئیسرائیلیش ڕەتیدەكاتەوە پەیوەندی بەتەقینەوەكەی بابلەوە هەبێت

ئاڤا نیوز  

دوای ئەمریكا، ئیسرائیلیش ڕەتیكردەوە پەیوەندی بە تەقینەوەكەی بنكەی كالسۆی سەر بە هێزەكانی حەشدی شەعبی هەبێت لە بابل.

چیرۆكی سەرەكی: بەرەبەیانی ئەمڕۆ، ناوەندی سەربازیی كالسۆ، كە تایبەتە بەهێزەكانی حەشدی شەعبی، لەباكووری شاری بابل بۆردومانكراو دەنگی چەند تەقینەوەیەكی بەهێزیش بیسترا. بەپێی سەرچاوە نافەرمی و سەرەتاییەكان كوژراوێک و حەوت بریندار لە ڕیزی چەكدارانی حەشدی شەعبی هەیە.

لێدوانی فەرمی: "تەلئەڤیڤ هیچ پەیوەندییەكی بەو تەقینەوەیە نییە كە لە عێراق ڕوویدا". بەرپرسێكی ئیسرائیلی ئەوەی بە CNN گوتووە.

ئەوەی پێویستە بیزانیت: شەوی ڕابردوو هێرش كرایە سەر بنكەی سەربازیی  كالسۆ كە پێشتر هێزەكانی ئەمریكای تێیدابوون و دواتر ڕادەستی هێزە عێراقییەكان كرا و ئێستاش  لیواكانی 28 و 17ی هێزەكانی حەشدی شەعبی تێدایە.

لە لایەكی دیكەوە: فەرماندەیی ناوەندی ئەمریكا ڕەتیدەكردەوە هێزەكانیان بۆردوومانی بنكەی كالسۆیان كردبێت لە بابل.