پەرلەمانتارێکی عێراق: ئێران دەروازەی زرباتییەی کۆنترۆڵ کردووە

ئاڤا نیوز

 

ئەندامێکی ئەنجوومەنی نوێنەرانی عێراق، ئاشکرای دەکات کە ئێران زۆرینەی کاروباری دەروازەی سنووریی زرباتیەی کۆنترۆڵ کردووە.

 

لێدوانی فەرمی: "لە ئەنجامی سکاڵا و گلەیی شوفێرانی بارهەڵگر لە دەروازەی سنووریی زرباتیە، بەپێی ئەو بەدواداچوونەی کردوومانە، تەنها لایەنی ئێرانی باج و ڕسومات وەردەگرێت، لەکاتێکدا دەبێت بە هاوبەشی بەڕێوەببردرێت" عامر عەبدولجەبار ئەمەی بە میدیای عێراق گوتوە.

 

زانیاریی زیاتر: دەروازەی سنووریی زرباتییە، دەکەوێتە ناحیەی زرباتییە لە پارێزگای واست بۆ ئالوگۆڕکردنی کاڵە و هاتووچۆی گەشتیاری بەکاردێت و هەردوو وڵاتی عێراق و ئێران بەیەکەوە دەبەستێتەوە.