عێراق: هێزە لە یاسا دەرچووەکان لە مووسڵەوە بنکەیەکی ئەمریکایان کردە ئامانج

ئاڤا نیوز

 

شانەی ڕاگەیاندنی ئەمنیی عێراق ڕایدەگەیێنێت، دەستیان بە ئۆپراسیۆنێک کردووە بۆ دەستگیرکردنی ئەو هێزە لە یاسا دەرچووانەی کە بنکەیەکی هاوپەیمانانیان لە سوریا کردە ئامانج.

 

وێنە گەورەکە: ئێوارەی ڕۆژی یەکشەممە، بنکەیەکی سەربازیی ئەمریکا لە سووریا بە پێنج مووشەک کرایە ئامانج کە لە شاری مووسڵەوە ئاراستەی ئەو بنکە سەربازییە کرابوون.

 

ڕاگەیێنراوی فەرمی: شانەی ڕاگەیاندنی ئەمنی ڕایگەیاند: "کەرتە سەربازییەکانمان لە ڕۆژئاوای نەینەوا، دەستیانکردووە بە ئۆپراسیۆنێک بۆ دۆزینەوەی ئەو هێزە لە یاسا دەرچووانەی ئەمشەو بنکەیەکی هاوپەیمانیی نێودەوڵەتییان بە ژمارەیەک مووشەک لە قووڵایی خاکی سوریا کردە ئامانج".

 

زانیاریی زیاتر: هێزە ئەمنییەکانمان ئەو ئۆتۆمبێلەیان دۆزیوەتەوە کە مووشەکەکانی لێیەوە ئاراستە کرابوون.