عێراق و تورکیا چەندین یادداشتی ستراتیژی واژۆ دەکەن

ئاڤا نیوز

 

حکومەتی عێراق ڕایگەیاندووە، سەردانەکەی ئەردۆغان بۆ عێراق هەڵدانەوەی لاپەڕەیەکی نوێیە لە پەیوەندیی نێوانیان و کێشە هەڵپەسێردراوەکانیان چارەسەر دەکەن.

 

لێدوانی فەرمی: "سەردانەکەی ئەردۆغان گرنگییەکی زۆری هەیە و ژمارەیەک لیژنەی هاوبەش بۆ ماوەی ساڵێک کاریان لەسەر کردووە". باسم عەودای، گوتەبێژی حکومەتی عێراق ڕایگەیاندووە.

 

بابەتی ستراتیژی: لە میانی سەردانەکە ئەردۆغان، عێراق و تورکیا 26 ڕێککەوتن و یادداشتی لێکگەیشتنی هاوبەش واژۆ دەکەن؛ گرنگترینیان یادداشتی ستراتیژی هاوکاریی نێوانیانە کە لە پێنج لیژنە پێکدێت وەک: ئەمنی، ئاو، ئابووری، وزە و گواستنەوە.

 

خاڵە ئەرێنییەکان: ئەردۆغان دوای 13 ساڵ دێتەوە عێراق؛ چاوەڕوان دەکرێت کێشە هەڵپەسێردراوەکانی نێوان هەردوو وڵات چارەسەر بکرێن.