ئەو منداڵە فەلەستینییەی لە سکی دایکی دەرهێنرا گیانی لەدەست دا

ئاڤا نیوز

هێرشەکانی ئیسرائیل بۆ سەر غەززە بەردەوامن، بەشێکی قوربانییەکان ژنان و منداڵانن، یەکێک لەو منداڵانە کە دایکی گیانی لەدەستدا بە زیندوویی دەرهێنرا، بەڵام ئەویش گیانی لەدەستدا.

چیرۆکی سەرەکی: لە هێرشێکی ئیسرائیل بۆ باشووری غەززە خێزانێک دەبنە قوربانی. کۆرپەیەکی حەوت مانگ و نیوی کچ لە سکی دایکی کە لە سەرەمەرگدا بوو دەردهێنرێت و بە زیندوویی دەمێنێتەوە. تیمە تەندرووستییەکانی ڕەفەح لە ڕێگەی پەمپی دەستییەوە هەوا دەکەنە ناو سییەکانیەوە و ژیانی ڕزگار دەکەن. 

زانیاریی زیاتر: سابرین سەکانی ناوی ئەو منداڵە کچەبوو، کە لە کاتی لەدایکبوونیدا کێشی تەنیا 1.4 کیلۆ بووە، بەڵام لەبەر کێشە تەندرووستییەکانی دوای چەند ڕۆژێک گیانی لەدەست دا. لە تەنیشت گۆڕی دایک و باوک و خوشکە سێ ساڵانەکەی نێژرا. 

ئەوەی پێویستە بیزانیت: لە دوو هێرشی چەند ڕۆژی ڕابردووی ئیسرائیل بۆ سەر ڕەفەح 16 منداڵ کوژراون، کە لە کاتی هێرشەکاندا هەموویان لە ناو ماڵەکانی خۆیاندا بوون.

باکگراوند: لە حەوتی ئۆکتۆبەری ساڵی ڕابردووەوە شەڕ لەنێوان حەماس و ئیسرائیل لە غەززە بەردەوامە، تائێستا نزیکەی 35 هەزار کەس لە غەززە کوژراون.