هەرێمی كوردستان بۆ یەکەم جار بەشداریی لە دیداری ساڵانەی وەبەرهێنان دەكات

ئاڤا نیوز

سەرۆکی دەستەی وەبەرھێنانی هەرێمی کودستان ڕایدەگەیێنێت، لە مانگی داهاتوودا بۆ یەكەمین جار حكومەتی هەرێمی كوردستان بەشداریی لە دیداری ساڵانەی وەبەرهێنان لە ئیمارات دەكات.

 

لێدوانی فەرمی: د. محەممەد شوکری، سەرۆکی دەستەی وەبەرهێنانی هەرێمی کوردستان بە ئاڤا نیوزی ڕاگەیاند: بەشداریی دیداری ساڵانەی وەبەرهێنان دەكەین، كە لەسەر ئاستی جیهان، لە ڕۆژانی 7 بۆ 9ـی مانگی ئایاری 2024، لە ئەبووزەبی ئیمارات بەڕێوەدەچێت.

 

زانیاریی زیاتر: هەرێمی كوردستان لەو كۆبوونەوە جیهانییەدا شوێنی تایبەتی هەیە تاوەکو دەرفەتەكانی وەبەرهێنان لە هەرێمی كوردستان پێشكەش بکات و ئەگەر هەیە چەندین گرێبەست بۆ هێنانی وبەرهێنەرانی بیانی بۆ هەرێمی كوردستان بكرێت.

 

باکگراوند: ساڵی ڕابردوو لە دیداری ساڵانەی وەبەرهێناندا، نوێنەری 175 وڵات لە تەواوی وڵاتانی جیهان بەشدار بوون.