بڕیارێکی دیکەی سەرۆکوەزیران بارزانی لە سلێمانی کەوتە واری جێبەجێکردنەوە

ئاڤا نیوز

 

سەرۆکایەتیی شارەوانیی سلێمانی ڕایگەیاند، بۆ سوودمەندبوون لە داشکاندنی 20%، هاونیشتمانیان دەتوانن سەردانی شارەوانیی بکەن بەمەبەستی پاکتاوی قەرزەکانیان. 

 

ڕاگەیێنراوی فەرمی: بە بڕیاری ئەنجوومەنی وەزیران ژمارە - 247 تایبەت بە لێخۆشبوونی قەرزە کەڵەکەبووەکان بە ڕێژەی 20% کەوتە واری جێبەجێکردنەوە، سەرۆکایەتیی شارەوانی سلێمانی وا دەڵێت.

 

ئەوەی پێویستە بیزانیت: داشکاندنی 20%ـی قەرزەکانی کرێی ساڵانەی کرێچێتی، کرێی خۆڵ و خاشاک، ڕسووماتی پیشەیی و هەڵواسینی تابلۆ کەوتە واری جێبەجێکردنەوە.

 

باکگراوند: ڕۆژی 27-03-2024، سەرۆکوەزیران لە کۆبوونەوەی ئەنجوومەنی وەزیران بڕیاری دا بە لێخۆشبوونی 20%ـی داشكاندن بۆ قەرزی ئاو، لەپاڵ قەرزی کارەبا، سزای هاتووچۆ و کەمکردنەوەی 50%ـی باجی هێنانی گۆشتی سوور.