نێچیرڤان بارزانی و سوودانی: پته‌وكردنى په‌يوه‌ندييه‌كانى هه‌ولێر و به‌غدا گرنگە

ئاڤا نیوز

 

نێچيرڤان بارزانى، سه‌رۆكى هه‌رێمى كوردستان له‌ به‌غدا له‌گه‌ڵ محه‌ممه‌د شياع سوودانى، سه‌رۆكوه‌زيرانى عێراقى كۆ بووه‌وه‌ و پەیوەندییەکانی هەولێر و بەغدایان تاوتوێ کرد.

 

وێنە گەورەکە: نێچیرڤان بارزانی لە بەغدایە و لەگەڵ هاوپەیمانییەتی بەڕێوەبردنی دەوڵەت پرسی هەڵبژاردنەکانی پەرلەمانی کوردستان تاوتوێ دەکات.

 

ڕاگەیێنراوی فەرمی: سەرۆکایەتی هەرێمی کوردستان لە ڕاگەیێنراوێکدا دەڵێت: له‌ كۆبوونه‌وه‌كه‌دا دۆخى عێراق و هه‌وڵ و هه‌نگاوه‌كانى حكومه‌تى فیدراڵ له‌ بواره‌كانى خزمه‌تگوزارى و په‌ره‌پێدان به‌ پێى كارنامه‌ى حكومه‌ت بۆ باشتركردنى دۆخى خزمه‌تگوزارى و بارى گوزه‌رانى هاووڵاتييان له‌ هه‌موو عێراق، تاوتوێ كران.

 

زانیاری زیاتر: هه‌ردوولا جه‌ختيان له‌ گرنگيى به‌رده‌واميى گفتوگۆى بنياتنه‌رى تايبه‌ت به‌ پرسه‌ هاوبه‌شه‌كانى نێوان حكومه‌تى عێراق و هه‌رێمى كوردستان كرده‌وه‌، هه‌روه‌ها پێداگر بوون لە پته‌وكردنى په‌يوه‌ندييه‌كانى هه‌ولێر ـ به‌غدا، بۆ ئه‌مه‌ش پشتگيريى هه‌موو لايه‌نه‌ سياسييه‌كانى عێراقيان به‌ پێويست زانى.