فێستیڤاڵی سەما لە دھۆک بەرێوە دەچێت

ئاڤا نیوز

 

سبەی فێستیڤاڵی سەمای دھۆک لە ژێر درووشمی (ب هەڤڕا دلخوەشین) دەست بە کارەکانی دەکات.

 

وێنە گەورەکە: ڕێکخراوی سەما بۆ کولتووری کوردستان بە هاوکاریی سەنتەری ڕۆشنبیری و کۆمەڵایەتیی زانکۆی دھۆک، سبەی 29ی نیسان و لە ھۆڵی کۆنفڕانسەکان، یەکەم ڕۆژی فێستیڤاڵی سەمای دھۆک بەڕێوە دەچێت کە بۆ ماوەی دوو ڕۆژ بەردەوام دەبێت.

 

لێدوانی فەرمی: ئەحمەد مشەختی، ئەندامی لیژنەی ئامادەکاری فێستیڤاڵەکە بە ئاڤا نیوزی ڕاگەیاند: لەو دوو ڕۆژەدا دوو پانێڵو  کۆمەڵێک چالاکی وەک سەما و فەرشی سوور و کۆنسێرت بە بەشداری هونەرمەند حەسەن شەریف بەڕێوە دەچن و کۆمەڵێک میوانیش لە نێوخۆ و دەرەوەی هەرێمی کوردستان ئامادەی فێستیڤاڵەکە دەبن".

 

ئەوەی پێویستە بیزانیت: نزیکەی 40 تیپی هونەری (میلی و میوزیک) لەسەر ئاستی هەرێمی کوردستان و پارچەکانی دیکەی کوردستان لە فێستیڤاڵی سەمای دھۆک بەشدارن.

 

زانیاریی زیاتر:  13 کور و 13 کچ، لە ناوچە جیاوازەکانی کوردستان لە شنگاڵەوە تا خوراسان، جلوبەرگیی کوردیی ناوچەکانیان نمایش دەکەن.