ئەنجوومەنی وەزیرانی عێراق دەنگ لەسەر خشتەی بودجە دەدات

ئاڤا نیوز

 

ئەندامێکی لیژنەی دارایی لە ئەنجوومەنی نوێنەرانی عێراق ئاماژە بەوە دەدات، بڕیارە ئەمڕۆ ئەنجوومەنی وەزیرانی عێراق خشتەی بودجە پەسەند بکات و لە ماوەی دوو ڕۆژدا ڕەوانەی ئەنجوومەنی نوێنەران دەکرێت.

 

چیرۆکی سەرەکی: ئەنجوومەنی وەزیرانی عێراق بە سەرۆکایەتیی سوودانی کۆ دەبێتەوە و بڕیارە یەکێک لە تەوەرەکانی کۆبوونەوەکە پەسەندکردنی خشتەی بودجەی ساڵی 2024 بێت، ئەمەش دوای تێپەڕبوونی پێنج مانگ بەسەری دا.

 

لێدوانی فەرمی: خەلیل دۆسکی، ئەندامی لیژنەی دارایی لە ئەنجوومەنی نوێنەرانی عێراق بە ئاڤا نیوزی گوت: "دوای پەسەندکردنی خشتەی بودجەی ساڵی 2024، لە ماوەی دوو ڕۆژدا دەنێردرێتە ئەنجوومەنی نوێنەران و خوێندنەوەی یەکەم، دووەم و سێیەم بۆ پڕۆژەیاساکە دەکرێت و پەسەند دەکرێت".

 

بۆچی گرنگە؟ هەرێمی کوردستان لە پڕۆژەیاسای بودجە، جگە لە مووچە پشکی دیکەی هەیە، وەک خەرجیی وەبەرهێنان و بەکاربردن، تێچووی بەرهەمهێنانی نەوت و بیمەی کۆمەڵایەتی.