وەزارەتی سەرچاوە ئاوییەكانی عێراق: گلدانەوەی ئاو لە بەنداوەكان لە باشترین ئاستیدایە

ئاڤا نیوز  

وەزارەتی سەرچاوە ئاوییەکانی عێراق ڕایدەگەیێنێت، گلدانەوەی ئاو لە بەنداوەکان لە باشترین ئاستیدایە.

لێدوانە فەرمییەكان: عەون زیاب، وەزیری سەرچاوە ئاوییەکانی عێراق ڕایگەیاند: گلدانەوەی ئاو لە ئاستێکی باش دایە، ئەو بڕە ئاوەی چووەتە ناو بەنداوەکانەوە، زیاترە لەو بڕەی کە بۆ بەکارهێنانی کشتووکاڵی بەکار دەهێنرێت.

لە لایەكی دیكەوە: سامان ئیسماعیل، بەڕێوەبەری بەنداوی دەربەندیخان رۆژی 27-4-2024 بە ئاڤا نیوزی گوت: تەنیا 15 سانتیمەتر ماوە بۆ پڕبوونی بەنداوی دەربەندیخان و ڕۆژانە نزیکەی 200 مەتر سێجا ئاو دەڕژێتە بەنداوەکە.

ئەوەی پێویستە بیزانیت: لە هەرێمی کوردستان 21 بەنداو و 118 پۆند بۆ گلدانەوەی ئاو هەن، بەمەبەستی بەرهەمهێنانی کارەبا، ئاودێری، گەشتیاری و چەندین بواری دیکە بەکاردەهێنرێن. چوار بەنداویش لە پارێزگاکانی هەولێر، سلێمانی و دهۆک لە قۆناغی دیزاینکردندان.

وێنە گەورەكە: كابینەی نۆیەمی حكومەتی هەرێمی كوردستان، گرنگی بە درووستكردنی بەنداو و پۆند داوە تا ئاوی باراناو بەفیڕۆ نەچێت.