ڕۆژانە 180 منداڵ لە غەززە لەدایک دەبن

ئاڤا نیوز

 

نەتەوە یەکگرتووەکان و ئاژانسە مرۆییەکان هۆشداریی لە خراپیی دۆخی ژنانی دووگیان لە غەززە دەدەن.

 

وێنە گەورەکە: بەهۆی هێرشی ئیسرائیل و بەئامانجگرتنی نەخۆشخانەکان دایکانی دووگیانی غەززە لە خراپترین دۆخدان، ئەوان ڕووبەڕووی کەمی و نەبوونی دەرمان و پێداویستیییە مرۆییە سەرەتاییەکان بوونەتەوە، ئەمەش ژیانی دایکان و منداڵانی تازە لەدایکبووی خستووەتە مەترسییەوە. 

 

زانیاریی زیاتر: ئاژانسی مرۆیی (ڕیلایف وێب) ڕایگەیاند، دۆخی ژنانی دووگیانی غەززە هێندە سەختە "لە هی سەدەیەک لەمەوپێش دەچێت". 

 

ژمارەکان وا دەڵێن: ئاژانسی ئونروای نەتەوە یەکگرتووەکان ڕایگەیاندووە، کە ڕۆژانە 37 منداڵ دایکی خۆیان لەدەست دەدەن، تاوەکو ئێستا زیاتر لە 10 هەزار ژن لە غەززە کوژراون و 19 هەزاریش بریندار بوون. هاوکات، لە غەززە نزیکەی 50 هەزار ژنی دووگیان هەن و ڕۆژانە نزیکەی 180 منداڵ لەدایک دەبن.