بەرگریی شارستانیی ڕاپەڕین هۆشداری دەداتە هاووڵاتیان

ئاڤا نیوز 

 

بەهۆی لێچوون لە یەکێک لە بوتڵەکانی کلۆری ئاو لە پڕۆژەی ئاوی خاس لە سنووری قەزای پشدەر، بەرگریی شارستانیی ڕاپەڕین هۆشداری دەداتە هاووڵاتیان.

 

ڕاگەیێنراوی فەرمی: بەڕێوەبەرایەتی بەرگریی شارستانیی ڕاپەڕین ڕایگەیاند: بەهۆی لێچوونی کلۆر مەترسی لەسەر دانیشتووانی گوندی بنەوشان و دەوروبەری پڕۆژەی ئاوی خاس دروست بووە و چەند ھاووڵاتییەکی گوندی بنەوشان تووشی تەنگە نەفەسی بوون، تەواوی دانیشتووانی گوندی بنەوشان ماڵەکانیان جێهیشتوە.

 

زانیاریی زیاتر: بەرگریی شارستانیی ڕاپەڕین داوا لە هاووڵاتیانی سنووری قەزای پشدەر دەکات نزیکی ئەو شوێنە نەکەونەوە، تاوەکو کێشەکە چارەسەر دەکرێ و دڵنیا دەبنەوە لە سەلامەتی ئەو شوێنە.

 

زانیاریی بەدەستهاتوو: گازی کلۆر یەکێکە لەگازە ژەهراوییەکان و زۆر خێرا بڵاودەبێتەوە کاریگەری خراپ لەسەر ژینگە و دەوروبەر دروست دەکات.

 

ئەمەش بزانە: بەهۆی ئەو ڕووداوە کارمەندێکی پۆلیسی ڕاپەڕین گیانی لەدەستدا و کارمەندێکی دیکەش بەھۆی کاریگەرییەکانی لێچوونی کلۆرەوە باری تەندروستی تێکچووە و ڕەوانەی نەخۆشخانە کراوە.