سێ جۆر شەربەت بۆ دابەزاندنی کێش

ئاڤا نیوز

 

ڕێگایەکی تەندروست و خێرا بۆ ئەو کەسانەی کێشیان زۆرە، لە کۆمەڵێک پێکهاتە سێ ڕەنگی جیاوازی شەربەت دروستدەبن، کە لە ماوەیەکی کەمدا یارمەتی دابەزاندنی کێش دەدەن.

 

بڵاوکراوەی فەرمی: بەگوێرەی ڕۆژنامەی تایمز ئۆف هیندستان؛ چەندین شەربەتی دەوڵەمەند بە ماددە خۆراکییەکان هەیە کە یارمەتی دابەزاندنی کێش دەدەن، لە شەربەتی وەنەوشەییەوە تا دەگاتە تێکەڵەی شەربەتی سەوزی و ئاوی پرتەقاڵ.

 

ئەوەی پێوستە بیزانیت: شەربەتی وەنەوشەیی پێکدێت لە چەوەندەرێکی بچووک، گێزەرێکی قەبارە مامناوەند، خەیارێک، سێوێک، پارچەیەک لە زەنجەبیلی تازە.

 

پێکهاتەکانی ئاوی پرتەقاڵ بریتین لە: گێزەرێکی قەبارە مامناوەند، پرتەقاڵێک، نیو کوپ ئەناناسی وردکراو، یەک پارچە زەنجەبیلی تازە، نیو کەوچک زەردەچەوە.

 

پێکهاتەکانی شەربەتی سەوز پێکدێن لە: مشتێک سپێناخ، سێوێک، یەک خەیار، نیو لیمۆ، پارچەیەک زەنجەبیلی تازە.