ئەردۆغان: تا ئیسرائیل ناچار بە ئاگربەست نەكەین بازرگانی دەستپێناكەینەوە

ئاڤا نیوز

تورکیا سەرجەم پەیوەندییە ئابوورییەکانی لەگەڵ ئیسرائیل هەڵپەساردووە، سەرۆککۆماری تورکیا دەڵێت "تا ئیسرائیل  ناچار بەئاگربەست نەبێت بازرگانی دەستپێناکەنەوە".

وێنە گەورەکە: لە سەرەتای ئاڵۆزی نێوان ئیسرائیل و گرووپە چەکدارەکان لە کەرتی غەززە، تورکیا بەتووندی ئیدانەی هێرشەکانی ئیسرائیلی کرد، داوای لە کۆمەڵگەی نێودەوڵەتی کرد، فشار لە ئیسرائیل بکەن هێرشەکانیان ڕابگرن.

لێدوانی فەرمی: ڕەجەب تەیب ئەردۆغان، سەرۆککۆماری تورکیا: هەتا ئیسرائیل ناچارنەکەین بە ئاگربەست، هیچ جۆرە بازرگانییەک لەگەڵ ئەو وڵاتەدا دەستپێناکەینەوە.

ئەوەی ئێستا ڕوودەدات: تورکیا هەموو پەیوەندییە ئابوورییەکانی لەگەڵ ئیسرائیل ڕاگرتووە، ئامادەش نییە بەهیچ شێوەیەک دەست بە پەیوەندییەکان بکاتەوە ئەگەر ئیسرائیل هێرشەکان ڕانەگرێت.