لافاو لە بەرازیل دەیان گیانلەدەستدان و هەزاران ئاوارەی لێکەوتووەتەوە

ئاڤا نیوز

بە هۆی باران بارینی زۆر و دروستبوونی لافاو و ڕۆچوونی زەوی، لە ویلایەتی 'ڕیو گراندی دۆ سول' لە باشووری بەڕازیل زیانی گەورەی مرۆیی و ماددی کەوتووەتەوە.

وێنە گەورەکە: شەپۆلی بارانبارین لە بەرازیل و ئەمریكای باشوور چەند ڕۆژێکە بەردەوامە و تاوەکو دێت زیانەکان زیاتر دەبن. 

ژمارەکان وا دەڵێن: تا ئێستا بە هۆی ئەم ڕووداوە سرووشتییەوە لانیکەم 60 کەس گیانیان لەدەستداوە، نزیکەی 70 کەس بێسەروشوێن بوون، 70 هەزار کەس ئاوارە بوون و هەروەها ئاوی خواردنەوە و کارەبای زیاتر لە یەک ملیۆن کەس بڕاوە. 

ئەوەی پێشبینی دەکرێت: بە گوێرەی ڕاپۆرتەکانی کەشناسی، چاوەڕێ دەکرێت شەپۆلی بارانبارینەکە بۆ چەند ڕۆژێکی دیکەش بەردەوام بێت.